NNI-mik Maliruagaq qanuriniga
NNI-mik Maliruagaq atauhiuyuq Kavaman Nunavumi ihuaquliluagan maniliurutikhanik pivalianikun, ayuqnairiagani aalaguqpalianiga qanuriniginik Nunavumi maniliurutin ukununa kataman katragiyaitigun. Ayuiqhanarirumik ilihatiarumiklu atulirumayamiknik ilaa, NNI-mik Maliruagakhaq atuqniqatiaqniaqman ihuaqutauluni ayuqnairiagani agiklivalianigagun Nunavut, hivunikhami takuyaagani ilihatiaqhimayunik, ayuiqhatiaqhimayuniklu Inuinaqnik havaktunik ilautialaaqtuniklu inuhiqnik maniliurutikhaniklu pivalianiginik Aviktuqhimayumi.
Piyutauluaqtuq Maliruagaqhamik ilauvaaliriagani Nunavut, Inuilu, nunaliknilu iniqaqtun (Nunalikni) maniliututauyun Kavaman Nunavumi katragiyaini.
Atuqniqata ilagin 5.2 unalu 5.3 NNI-mi Maluruagaqhaq, Maliruagaqhaq atuqniaquq Katraguyumi:
NNI-kun Titiraqvian
Iniqtiriagani atuquyauyun Nakataani 24 atuliquyauyumillu 14 ukunani 2003-mi Tamatkiumavlugin Ilituqhainikun, Kavaman Nunavumi uqariiyaqman ihuaqutikhanik hatqiriagani timiuyuq iluani Havakviuyum Maniliurutikhanik Pivalianikun Aulaqtuliqinikulu, Havaaqaqluaqtuq Havakvik, tiquaqhikmata NNI-kun Titiraqvianik,aulapkaiyaagani ihuaqhaqlugilu atuqpalianiga NNI-guyumik Maliruagaqhamik aulaniqatiariagani ihuaqutikhak paqnaiyaqnikun hivunikhami maniliurutikhanik pivalianikun Nunavumi.
Ilitagivlugin atauhiuniga, NNI-guyum Titiraqvia uqaqatiqaqniaquq Nunavut Tunngavitkunik ukununa NNI-mi Maliruagakun. Uqaqatigiiknigin ukununa NNI-mi Ilituqhaiyinik Kamitiuyukun aulaniaquq ayikiinik inugiakniqaqtum Kavamanin Nunavumi Nunavut Tunngavitkunilu Timiuyumin.
NNI-mik Ihivriuqhiyin Kamitiuyuq katimavaktun pigahun tatqiqhiutin naatkagata ilituqhariagani NNI-mi Maliguagakhaq. Havaariniarivain tukliq Ilituqhainiq 2008-mi. NTI-kun Kavamalu Nunavumi atuni tikuaqhivaktuq siksinik Kivraqtukhikhamiknik Ilituqhainikun Kamitiuyumun.
NNI-ni Katraliqinikun Uktufaaqtunik Katimayin
Katraguyun tuniyauhimayun Kavamanin Nunavumi tukhiutaufaalaqtun NNI-ni Katraliqinikun Uktufaaqtunik Katimayinun havaakhamik uktuqtuugaluamin ilauyumiluniin Havaakhamun RFP-muluniin. Una Uktufaarun ihuigiyutauyumin piyutiqariaqaqtoq NNI-mi Maliruagakhaq atuqtautiaginiqan tikuaqhitilugin takhiyuqhamik. Uktufaarutin tuniyauyariaqaqtun titiraqhimalutik uktuqtuugaluamin havaakhamik ilauyumiluniin iluani taliman uvlun tuniyauhimaliqtilugu. Uktufaarun turaaqtitauyariaqaqtuq Katraliqinikun Ataniqyuiyunun ayikutainiklu tunihilutik GN-kuni NNI-mik Maliruagakhanik Ihumakhaqhiuqtimun.
Hivuniqhiyutikhanik piyumaguvin, takulugu Ougua 18 uvani NNI-mik Maliruagakhami.