ᓄᓇᕗᒻᒥ ᓇᖕᒥᓂᖃᖅᑐᓄᑦ ᐃᑲᔫᑎ ᐊᑐᐊᖓᖅ ᓇᐃᒡᓕᒋᐊᖅᓯᒪᔪᖅ
ᓄᓇᕗᒻᒥ ᓇᖕᒥᓂᖃᖅᑐᓄᑦ ᐃᑲᔫᑎ ᓄᓇᕗᑦ ᒐᕙᒪᒃᑯᖏᑕ ᐱᓕᕆᔾᔪᑎᒋᓪᓚᕆᒃᐹ ᑮᓇᐅᔭᓕᐅᕐᓂᐅᑉ ᒥᒃᓵᓄᑦ ᐱᕈᖅᐸᓪᓕᐊᓂᕐᒧᑦ, ᐊᓯᔾᔩᓇᓱᒃᖢᑎᒃ ᐋᕿᐅᒪᓂᖓ ᓄᓇᕗᑦ ᑮᓇᐅᔭᓕᐅᕋᓱᖕᓂᖓ ᒐᕙᒪᒃᑯᑎᒍᑦ ᑳᓐᑑᕌᖕᓂᒃ. ᐃᓕᓐᓂᐊᖅᐸᒌᕋᓱᒡᓗᑎᒃ ᐊᒻᒪᓗ ᐃᓕᓐᓂᐊᕐᓂᕐᒧᑦ ᐋᖅᑭᒃᓱᐃᓗᑎᒃ, ᓄᓇᕗᑦ ᓇᖕᒥᓂᖃᖅᑐᓄᑦ ᐃᑲᔫᑎ ᐊᑑᑎᖃᕐᓂᐊᕆᕗᖅ ᓴᓇᕐᕈᑕᐅᓗᓂ ᐱᕕᖃᓕᖅᑎᑦᑎᓂᕐᒥᒃ ᓄᓇᕗᒻᒥ, ᓯᕗᓂᒃᓴᕗᑦ ᑕᐅᑐᒡᓗᒍ ᓴᖅᑭᒃᑲᔭᖅᑐᓂᒃ ᐃᓕᓐᓂᐊᖅᑎᐊᖅᓯᒪᔪᓂᒃ, ᐃᓕᓐᓂᐊᖅᑎᐊᖅᓯᒪᔪᓪᓗ ᐃᓄᐃᑦ ᐃᖅᑲᓇᐃᔭᖅᑏᑦ ᐃᓚᐅᑦᑎᐊᕈᓐᓇᕐᓗᑎᒃ ᐃᓄᓕᕆᓂᕐᒧᑦ ᑮᓇᐅᔾᔭᒃᓴᕐᓂᓕᕆᓂᕐᒧᓪᓗ ᓄᓇᕗᒻᒥ.
ᐱᔾᔪᑎᒋᓗᐊᖅᑕᖓ ᐊᑐᐊᒐᐅᑉ ᐃᓚᐅᓕᑦᑎᐊᖁᓪᓗᒋᑦ ᓄᓇᕗᑦ, ᐃᓄᐃᑦ, ᐊᒻᒪᓗ ᓄᓇᓕᖕᓃᑦᑐᑦ ᓇᖕᒥᓂᕆᔭᐅᔪᑦ ᓄᓇᕗᑦ ᒐᕙᒪᒃᑯᓐᓂ ᑳᓐᑐᕌᖃᑦᑕᕐᓂᖅ.
ᒪᓕᒡᓗᒍ ᓱᑯᑦᑎᐊᓃᓐᓂᖓ 5.2 ᐊᒻᒪ 5.3 ᓄᓇᕗᒻᒥ ᓇᖕᒥᓂᖃᖅᑐᓄᑦ ᐃᑲᔫᑎ ᐊᑐᐊᒐᖅ, ᐊᑐᐊᒐᖅ ᐊᑐᖅᐳᖅ ᓇᓕᐊᓐᓄᑐᐃᓐᓇᖅ ᑳᓐᑐᕌᖕᒧᑦ:
- ᓄᓇᕗᖅ ᒐᕙᒪᖓ ᐅᕝᕙᓘᓐᓃᑦ ᓇᓕᐊᑐᐃᓐᓇᖅ ᑭᒃᑯᑐᐃᓐᓇᕐᓅᖓᔪᑦ ᐱᓕᕆᕖᑦ ᐅᕝᕙᓘᓐᓃᑦ ᑭᒃᑯᑐᐃᓐᓇᕐᓅᖓᔪᑦ ᑲᑎᒪᔨᕐᔪᐊᑦ ᓇᓗᓇᐃᖅᑕᐅᓯᒪᓂᖏᑦ ᒪᓕᒡᓗᒋᑦ ᑮᓇᐅᔭᓂᒃ ᐊᐅᓚᑦᑎᓂᕐᒧᑦ ᐱᖁᔭᕐᒥ; ᐃᓚᒋᔭᐅᕗᖅ;
- ᓄᓇᕗᑦ ᒐᕙᒪᖓ ᐱᑎᑦᑎᒃᐸᑦ, ᑕᕝᕗᖓᑲᐅᑎᒋ ᐊᖏᓂᖅᓴᒥᒃ 51% ᑕᒪᕐᒥᒃ ᑳᓐᑐᕌᒃ ᑮᓇᐅᔭᖏᑦ; ᐅᕝᕙᓘᓐᓃᑦ
- ᓄᓇᕗᑦ ᒐᕙᒪᖓ ᐱᑎᑦᑎᒃᐸᑦ ᐅᖓᑖᓂ 51% ᐊᕐᕌᒍᓕᒫᒧᑦ ᐊᐅᓚᔾᔪᑎᒋᔭᐅᔪᓂᒃ ᐃᓚᒋᔭᖏᓐᓄᑦ.
ᓄᓇᕗᒻᒥ ᓇᖕᒥᓂᖃᖅᑐᓄᑦ ᐃᑲᔫᑎ ᑎᑎᕋᕐᕕᐊ
ᒪᓕᑦᑎᐊᖁᓗᒋᑦ ᐊᑐᖁᔭᐅᔪᑦ ᓈᓴᐅᑎᖓ 24 ᐱᓪᓗᒍᓗ ᐊᑐᓕᖁᔭᐅᓯᒪᔪᖅ 14 ᐅᕙᙶᖅᑐᖅ 2003 ᐊᑕᖐᓯᒪᔪᓂᒃ ᖃᐅᔨᓴᖅᑕᐅᔾᔪᑦ, ᓄᓇᕗᑦ ᒐᕙᒪᒃᑯᖏᑦ ᓴᖅᑭᑦᑎᓯᒪᖕᒪᑕ ᐱᓕᕆᕕᐅᔪᒥᒃ ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ ᐃᖅᑲᓇᐃᔭᕐᕕᖓᓂ, ᑖᓐᓇ ᐃᖅᑲᓇᐃᔭᕐᕕᒃ ᑕᒪᑐᒥᖓ ᑲᒪᔨᐅᔪᖅ, ᑎᓕᓯᓯᒪᖕᒪᑦ ᓄᓇᕗᒻᒥ ᓇᖕᒥᓂᖃᖅᑐᓄᓂᒃ ᐃᑲᔫᑎ ᑎᑎᕋᕐᕕᒃ, ᐊᐅᓚᑦᑎᖁᓪᓗᒍ ᐊᑐᓕᖅᑎᑕᐅᓂᖓ ᓄᓇᕗᒻᒥ ᓇᖕᒥᓂᖃᖅᑐᓄᑦ ᐃᑲᔫᑎ ᐊᑐᐊᒐᖓ ᐊᑑᑎᖃᑦᑎᐊᖁᓪᓗᒍ ᐸᕐᓇᖕᓂᕐᒧᑦ ᐅᖓᓯᒃᑐᒧᑦ ᓯᕗᓂᒃᓴᑦᑎᓐᓄ ᑮᓇᐅᔭᓕᐅᕋᓱᐊᕐᓂᐅᑉ ᒥᒃᓵᓄᑦ ᓄᓇᕗᒻᒥ.
ᖃᐅᔨᒪᓪᓗᒍ ᑕᕝᕙᑑᓂᖓ, ᓄᓇᕗᒻᒥ ᓇᖕᒥᖃᖅᑐᓄᑦ ᐃᑲᔫᑎ ᑎᑎᕋᕐᕕᖓ ᖃᐅᔨᓇᓱᐊᖃᑎᖃᖃᑦᑕᖅᐳᖅ ᓄᓇᕗᑦ ᑐᙵᕕᒃᑯᓐᓂᒃ ᐱᔾᔪᑎᓕᖕᓂᒃ ᓄᓇᕗᒻᒥ ᓇᖕᒥᓂᖃᖅᑐᓄᑦ ᐃᑲᔫᑎ ᐊᑐᐊᒐᕐᒥᒃ. ᑕᒪᒃᑯᐊ ᖃᐅᔨᓇᓱᐊᖃᖃᑎᖃᖃᑦᑕᕐᓃᑦ ᐱᕙᒃᐳᑦ ᓄᓇᕗᒻᒥ ᓇᖕᒥᓂᖃᖅᑐᓄᑦ ᐃᑲᔫᑎ ᖃᐅᔨᓇᓱᐊᖅᑎᑦ ᑲᑎᒪᔨᖏᑎᒍᑦ ᐊᔾᔨᒌᒥᒃ ᑭᒡᒐᖅᑐᐃᔨᓖᑦ ᓄᓇᕗᑦ ᒐᕙᒪᒃᑯᖏᓐᓂᑦ ᐊᒻᒪᓗ ᓄᓇᕗᑦ ᑐᙵᕕᒃᑯᓐᓂᑦ.
ᓄᓇᕗᒻᒥ ᓇᖕᒥᓂᖃᖅᑐᓄᑦ ᐃᑲᔫᑎ ᖃᐅᔨᓴᕐᓂᕐᒧᑦ ᑲᑎᒪᔨᖏᑦ ᑲᑎᕙᖕᒪᑕ ᑎᓴᒪᐃᖅᓱᖢᑎᒃ ᐊᕐᕌᒍ ᐊᑕᐅᓯᖅ ᖃᐅᔨᓇᓱᐊᖅᐸᒃᑐᑦ ᓄᓇᕗᒻᒥ ᓇᖕᒥᓂᖃᖅᑐᓄᑦ ᐃᑲᔫᑎ ᐊᑐᐊᒐᐅᑉ ᒥᒃᓵᓄᑦ.. ᑭᖑᓪᓕᖅ ᖃᐅᔨᓴᕕᒡᔪᐊᕐᓂᐅᒃᑲᓐᓂᕐᓂᐊᖅᑐᖅ 2008 ᒥᐅᓛᖅᑐᖅ. ᓄᓇᙵᕗᑦ ᑐᙵᕕᒃᑯᑦ ᐊᒻᒪᓗ ᓄᓇᕗᑦ ᒐᕙᒪᒃᑯᖏᑦ ᐊᑐᓂ ᑎᓕᓯᓯᒪᓲᑦ ᐱᖓᓲᔪᖅᑐᓄᑦ ᑎᑭᖢᒍ ᑲᑎᒪᔨᓂᒃ ᖃᐅᔨᓴᖅᑎᐅᒐᔭᖅᑐᓂᒃ.
ᓄᓇᕗᒻᒥ ᓇᖕᒥᓂᖃᖅᑐᓄᑦ ᐃᑲᔫᑎ ᖁᑦᑎᖕᓂᖅᓴᒧᑦ ᐅᓐᓂᕐᓗᖕᓂᕐᒧᑦ ᑲᑎᒪᔩᑦᑳᓐᑐᕌᑦ ᑐᓂᔭᐅᔪᑦ ᒐᕙᒪᒃᑯᓐᓂᑦ ᐅᓐᓂᕐᓗᒍᑕᐅᔪᓐᓇᖅᑐᑦ ᓄᓇᕗᒻᒥ ᓇᖕᒥᓂᖃᖅᑐᓄᑦ ᐃᑲᔫᑎ ᖁᑦᑎᖕᓂᑎᓴᒧᑦ ᐅᓐᓂᕐᓗᖕᓂᕐᒧᑦ ᑲᑎᒪᔨᓄᑦ ᐱᑎᑕᐅᖏᓐᓂᕐᓕᐅᖅᑐᓄᑦ ᐊᑭᑦᑐᕋᐅᑎᓄᑦ ᑐᒃᓯᕋᐅᑎᓂᒃ ᑐᒃᓯᕋᐅᑎᓕᐅᖁᔨᓂᕐᒧᓪᓗ. ᐱᔾᔪᑎᖃᕐᓗᓂ ᐊᐃᕙᔾᔪᑎᖓ ᒪᓕᑦᑎᐊᖏᑦᑐᕕᓂᐅᓇᓱᒋᓗᒋᑦ ᐆᒥᖓ ᓄᓇᕗᒻᒥ ᓇᖕᒥᓂᖃᕐᓂᕐᒧᑦ ᐃᑲᔫᑎ ᐊᑐᐊᒐᕐᒥᒃ, ᓂᕈᐊᖅᑎᓪᓗᒋᑦ
ᓵᓚᒃᓴᖅᑐᒥᒃ. ᐱᓇᓱᐊᖃᑕᐅᔪᕕᓂᖅ ᐱᓐᓂᖏᑦᑐᖅ ᐅᓐᓂᕐᓗᒐᓱᒋᐊᓕᒃ ᑎᑎᕋᖅᓯᒪᔪᑎᒍᑦ ᐅᓪᓗᑦ ᑕᓪᓕᒪᑦ ᐃᖅᑲᓇᐃᔭᕐᓇᐃᑦ ᐊᓂᒍᓚᐅᖅᑎᓐᓇᒋᑦ ᑐᓴᖅᑎᑦᑎᕕᐅᓚᐅᖅᑐᒥᑦ ᓵᓚᒃᓴᖅᑐᖃᕐᓂᖓᓂᒃ. ᑐᕌᖅᑎᓯᒪᔭᕆᐊᓕᒃ ᑳᓐᑐᕌᒃ ᐊᐅᓚᑦᑎᔨᖏᓐᓄᑦ ᐊᔾᔨᖓᓂᒡᓗ ᑎᑎᕋᐅᑉ ᑐᓂᓯᓗᓂ ᓄᓇᕗᑦ ᒐᕙᒪᒃᑯᑦ ᓄᓇᕗᒻᒥ ᓇᖕᒥᓂᖃᖅᑐᓄᑦ ᐃᑲᔫᑎ ᐊᑐᐊᒐᖓᓂᒃ ᖃᐅᔨᒪᔨᑕᖓᓐᓄᑦ.
ᖃᐅᔨᒋᐊᒃᑲᓐᓂᕈᒪᒍᕕᑦ, ᑕᑯᒍᒃ 18 ᐅᕙᓂ ᓄᓇᕗᒻᒥ ᓇᖕᒥᓂᖃᖅᑐᓄᑦ ᐃᑲᔫᑎ ᐊᑐᐊᒐᖅ.
