ᐊᑎᓕᐅᖅᑕᐅᓇᓱᒡᓗᓂ ᓄᓇᕗᒻᒥ ᓇᖕᒥᓂᖃᖅᑎᐅᓂᕐᒧᑦ − ᓇᖕᒥᓂᕆᔭᐃᑦ ᐊᑐᑦᑎᐊᕆᐊᓕᒃ ᒪᓕᒐᑎᒍᑦ ᐱᔭᕆᐊᓕᖕᓂᒃ ᓄᓇᕗᒻᒥ ᓇᖕᒥᓂᕆᔭᐃᑦ ᐊᐅᓚᓂᐊᖅᐸᑦ, ᐅᑯᐊ ᒪᓕᒃᑕᐅᔭᕆᐊᓖᑦ:
- ᓕᒥᑎᑦ ᑲᒻᐸᓂ 51 ᐳᓴᓐ ᑐᖔᓂᐅᖏᑦᑐᖅ ᓂᕈᐊᕈᓐᓇᖅᑐᓂᒃ ᐃᓚᒋᔭᐅᔪᖃᕐᓗᓂ ᓇᖕᒥᓂᕆᔭᐅᔪᖅ ᓄᓇᕗᒻᒥᐅᓂᑦ, ᐅᕝᕙᓘᓐᓃᑦ
- ᑯᐊᐸᐅᔪᖅ 51 ᐳᓴᓐ ᑐᖔᓂᐅᖏᑦᑐᖅ ᓂᕈᐊᕈᓐᓇᖅᑐᓂᒃ ᐃᓚᒋᔭᐅᔪᖃᕐᓗᓂ ᓇᖕᒥᓂᕆᔭᐅᔪᖅ ᓄᓇᕗᒻᒥᐅᓂᑦ, ᐅᕝᕙᓘᓐᓃᑦ
- ᐃᒥᓂᑐᐊᖅ ᐱᖁᑎᓕ, ᓇᖕᒥᓂᑐᐊᖅ ᐱᖁᑎᓕᒃ ᓄᓇᕗᒻᒥᐅᖑᓗᓂ, ᐅᕝᕙᓘᓐᓃᑦ
- ᓇᖕᒥᓂᖃᖃᑎᒋᔭᐅᔪᖅ, ᐊᖏᓂᖅᓴᐅᔪᖅ ᓇᖕᒥᓂᕆᔭᐅᓗᓂ ᓄᓇᕗᒻᒥᐅᑕᕐᓂᑦ ᐊᒻᒪᓗ ᐅᓄᕐᓂᖅᓴᐃᑦ ᐃᑲᔪᖅᑕᐅᓂᖃᕐᓂᖅᓴᐅᓗᑎᒃ, ᓇᖕᒥᓂᖃᖃᑎᒋᔭᐅᓂᕐᒧᑦ ᐊᖏᕈᑎ ᒪᓕᒡᓗᒍ, ᐃᓚᕙᓪᓕᐊᔪᓐᓇᕐᓗᑎᒃ ᓄᓇᕗᒻᒥᐅᑦ, ᐊᒻᒪᓗ
- ᓇᖕᒥᓂᖃᕐᓂᖅ ᖃᓄᐃᑦᑐᑐᐃᓐᓇᐅᒐᓗᒐᓗᐊᖅᐸᑦ, ᐅᑯᐊ ᒪᓕᒃᑕᐅᔭᕆᐊᓖᑦ ᐊᑐᑦᑕᐅᓗᑎᒃ:
- ᐊᒡᓚᒡᕕᖃᐃᓐᓇᕐᓗᓂ ᐊᑎᓕᐅᖅᓯᒪᔪᒥᒃ ᓄᓇᕗᒻᒥ ᐊᑭᓕᖅᓱᐃᓗᓂ ᓇᖕᒥᓂᖃᕐᓗᓂᓘᓐᓃᑦ ᐊᒡᓚᒡᕕᖕᒥᒃ, ᓂᐅᕕᕐᕕᐅᕙᒃᑐᒥᒃ ᐅᕿᖏᑦᑐᓂᒡᓘᓐᓃᑦ ᐱᓕᕆᕕᐅᓗᓂ ᐅᕝᕙᓘᓐᓃᑦ ᐱᔨᑦᑎᕋᕐᓂᐅᒃᐸᑦ, ᐊᖏᕐᕋᒥ ᐱᓕᕆᕕᖃᕐᓗᓂ, ᓄᓇᕗᒻᒥ ᐊᕐᕌᒍᓕᒫᖅ ᐊᑐᓪᓗᐊᑕᖅᑐᖅ ᐊᐅᓚᓂᖓ ᓇᖕᒥᓂᕆᔭᕕᑦ,
- ᐊᖓᔪᖅᑳᖃᕐᓗᓂ ᓄᓇᕗᒻᒥ, ᐊᒻᒪᓗ
- ᐊᐅᓚᑕᐅᓂᖏᑦ ᐸᐃᑉᐹᓕᕆᓃᓪᓗ ᐱᓕᕆᔭᐅᓗᑎᒃ ᓄᓇᕗᒧᑦ ᑐᕌᖓᔪᓄᑦ ᓄᓇᕗᒻᒥ ᐊᒻᒪᓗ
ᖃᐅᔨᒪᔭᕆᐊᓕᒃ: ᖃᐅᔨᒪᓂᐊᖅᐳᑎᑦ: ᑭᓯᐊᓂ ᐊᑭᑦᑐᕋᐅᑎᓂᕐᒧᑦ ᐋᖅᑭᒋᖕᐊᕈᑎᒥᒃ ᐱᔪᓐᓇᕋᔭᖅᑐᑎᑦ, ᓇᓗᓇᐃᖅᑕᐅᓯᒪᓕᖅᑎᓪᓗᑎᑦ ᓄᓇᕗᒻᒥ ᓇᖕᒥᓂᖃᖅᑎᐅᓂᕐᓄᑦ ᐱᓇᓱᐊᕈᓰᒃ ᒪᕐᕉᒃ ᐊᓂᒍᖅᓯᒪᓕᖅᑎᓪᓗᒋᒃ ᒪᑐᓚᐅᖏᓐᓂᖏᖕᓂ ᒐᕙᒪᒃᑯᑦ ᐊᑭᑦᑐᕋᐅᑎᖏᑦ ᐅᕝᕙᓘᓐᓃᑦ ᐱᔪᒪᔾᔪᑦ ᑐᒃᓯᕋᐅᑎᓂᒃ.
ᓇᖕᒥᓂᕆᔭᐃᑦ ᓂᐅᕕᐊᒃᓴᖃᖃᑦᑕᕐᓂᐊᖅᐸᑦ ᐃᓚᒋᓕᐅᑎᓯᒪᓗᓂ ᐱᔨᑦᑎᕋᕐᓂᕐᓄᑦ, ᓇᖕᒥᓂᕆᔭᐃᑦ ᐊᑎᓕᐅᖅᓯᒪᔭᕆᐊᓕᒃᑕᐅᖅ ᓄᓇᕗᒻᒥ ᓂᐅᕕᐊᒃᓴᖃᖅᑎᐅᓂᕐᒧᑦ. ᐱᔪᒪᔪᓐᓇᖅᑐᑎᑦ ᓂᐅᕕᐊᒃᓴᖃᖅᑎᐅᓂᕐᒥᒃ ᐊᑕᐅᑦᑎᒃᑯᑦ ᓄᓇᕗᒻᒥ ᓇᖕᒥᓂᖃᕐᓂᕐᒧᑦ ᐊᑎᓕᐅᖅᑕᐅᓕᖅᑎᓪᓗᑎᑦ ᐅᕝᕙᓘᓐᓃᑦ ᖃᖓᑐᐃᓐᓇᖅ ᑭᖑᓂᐊᒍᑦ ᐅᑯᐊ ᒪᓕᒃᑕᐅᔭᕆᐊᓖᑦ ᐊᑐᕈᕕᒋᑦ:
"ᓄᓇᕗᒻᒥ ᓇᖕᒥᓂᕆᔭᐅᔪᖅ ᓂᐅᕕᕐᕕᐅᓲᖅ ᐊᑐᐃᓐᓇᐅᔪᓂᒃ ᑭᒃᑯᑐᐃᓐᓇᕐᓄᑦ ᑕᕝᕙᖕᒐᓪᓗ ᑭᒃᑯᑐᐃᓐᓇᐃᑦ ᓂᐅᕕᕈᓐᓇᕐᓗᑎᒃ, ᐊᒻᒪᓗ ᓇᓗᓇᐃᖅᓯᒪᓗᓂ ᓄᓇᕗᑦ ᓇᖕᒥᓂᖃᖅᑎᐅᓂᒧᑦ ᐱᓇᓱᐊᕉᓰᒃ ᒪᕐᕉᒃ ᓯᕗᓂᐊᓂ ᒐᕙᒪᒃᑯᑦ ᐊᑭᖅᑐᕋᐅᑎᖏᑦ ᐅᕝᕙᓘᓐᓃᑦ ᐱᔪᒪᔾᔪᑦ ᑐᒃᓯᕋᐅᑎᓂᒃ ᒪᑐᓚᐅᖏᓐᓂᖓᓂ. ᑲᒻᐸᓂᐅᔪᖅ ᓂᐅᕕᕐᕕᐅᕙᒃᑐᖅ, ᓂᐅᕕᐊᒃᓴᖏᑦ ᓄᓇᓕᖕᓃᓪᓗᑎᒃ ᑕᕝᕙᓂ ᓄᓇᒥ ᓂᐅᕕᕐᕕᐅᓂᖓᓂ, ᐃᓗᓕᖃᕐᓗᓂᓗ ᑕᕝᕙᓂ ᓂᐅᕕᕐᕕᖓᓂ ᓂᐅᕕᐊᒃᓴᕆᔭᕆᐊᖃᖅᑕᖏᓐᓂᒃ. ᓂᐅᕕᐊᒃᓴᖏᑦ ᐅᓄᕐᓂᖏᑦ ᓈᒻᒪᒋᐊᓖᑦ ᐊᒥᒐᖏᓪᓗᑎᒃ ᐱᔪᒪᔭᐅᕙᖕᓂᖏᑦ ᓄᓇᓕᖕᒦᑦᑐᓄ ᓄᓇᕗᒻᒦᐅᑕᓄᓪᓗ ᐊᒻᒪᓗ ᐊᒥᐊᒃᑯᖃᖅᑎᐊᕐᓗᑎᒃ ᑭᖑᕝᕕᐅᑎᒃᓴᖏᓐᓂ ᓂᐅᕕᖅᑕᐅᕙᓪᓕᐊᓂᖏᑦ ᒪᓕᒡᓗᒋ"
