ᓄᓇᕗᒻᒥ ᓇᖕᒥᓂᕆᔭᐃᑦ ᐊᑎᓕᐅᖅᑕᐅᖁᒍᕕᐅᒃ ᓄᓇᕗᒻᒥ ᓇᖕᒥᓂᖃᖅᑐᓂᒃ ᐃᑲᔫᑎ ᑎᑎᕋᕐᕕᖓᓄᑦ, ᐃᑲᔪᖅᑕᐅᒃᑲᓐᓂᕈᓐᓇᖅᐳᑎᑦ ᓄᓇᕗᑦ ᒐᕙᒪᒃᑯᖏᑕ ᓂᐅᕕᕐᓂᓕᕆᓂᖏᓐᓂ.
- ᐊᑎᓕᐅᖅᑕᐅᓯᒪᔪᑦ ᓄᓇᕗᒻᒥ ᓇᖕᒥᓂᕆᔭᒧᑦ ᓇᖕᒥᓂᕆᔭᐃᑦ ᑎᑎᕋᖅᑕᐅᓯᒪᒃᐸᑦ ᓄᓇᕗᒻᒥ ᓇᖕᒥᓂᖃᖅᑐᓂ, ᐱᔪᒥᓴᐅᑎᑖᕈᓐᓇᖅᐳᑎᑦ (ᒫᓐᓇᐅᔪᖅ 7%) ᐱᓇᓱᐊᖃᑕᐅᔪᓄᑦ ᓄᓇᕗᑦ ᒐᕙᒪᒃᑯᖏᑕ ᓂᐅᕕᐊᒃᓴᓕᕆᓂᖏᑦ ᓄᓇᓕᖕᓂ ᓄᓇᕗᒻᒥ.
- ᐊᑎᓕᐅᖅᑕᐅᓯᒪᔪᑦ ᓄᓇᕗᒻᒥ ᓇᖕᒥᓂᕆᔭᒧᑦ ᓇᖕᒥᓂᕆᔭᐃᑦ ᐃᓚᐅᒃᐸᑦ, ᐊᐃᑉᐸᖓᓂᒃ ᐊᑭᑦᑐᕋᐅᑎᓂᕐᒧᑦ ᐋᖅᑭᒋᐊᕈᑎᑖᕈᓐᓇᖅᐳᑎᑦ (ᒫᓐᓇᐅᔪᖅ ᓱᓕ 7%) ᑳᓐᑐᕌᒃ ᐅᕝᕙᓘᓐᓃᑦ FOB ᓂᐅᕕᕐᕕᒋᔭᐃᑦ ᑕᕝᕙᓂᑦᑕᐃᓐᓈᖅᐸᑦ ᓄᓇᓕᖕᒥ ᓇᖕᒥᓂᖃᕐᕕᒋᔭᕐᓂ.
- ᓇᖕᒥᓂᕆᔭᐃᑦ ᐊᑎᓕᐅᖅᑕᐅᓯᒪᒃᐸᑦ ᐃᓄᐃᑦ ᓇᖕᒥᓂᖃᕐᓂᖏᓐᓄᑦ, ᐊᑭᑦᑐᕋᐅᑎᓂᕐᒧᑦ ᐋᖅᑭᒋᐊᕈᑎᑖᒃᑲᓐᓂᕈᓐᓇᖅᐳᑎᑦ (ᒫᓐᓇᐅᔪᖅ ᓱᓕ 7%). ᓇᖕᒥᓂᕆᔭᐃᑦ ᑎᑎᕋᖅᓯᒪᒃᐸᑦ ᐃᓄᐃᑦ ᓇᖕᒥᓂᖏᓐᓄᑦ ᑭᓯᐊᓂ ᑎᑎᕋᖅᓯᒪᖏᓪᓗᓂ ᓄᓇᕕᒃ ᑐᙵᕕᒃ ᑎᒥᖓᓐᓂ (NTI), ᖃᐅᔨᑎᑦᑐᓐᓇᖅᐸᑎᑦ ᐅᕙᓂ http://www.tunngavik.com/ ᓇᖕᒥᓂᕆᔭᐃᑦ ᐊᑎᓕᐅᖅᑕᐅᓯᒪᓕᖁᓪᓗᒍ ᐱᔪᓐᓇᖅᓯᖁᓪᓗᑎᑦ ᐊᑭᑦᑐᕋᐅᑎᓂᕐᒧᑦ ᐋᖅᑭᒋᐊᕈᑎᒥᒃ. ᖃᐅᔨᒪᑦᑎᐊᖏᒃᑯᕕᑦ ᓇᖕᒥᓂᕆᔭᐃᑦ ᐊᑎᓕᐅᖅᑕᐅᓯᒪᒐᓗᐊᕐᒪᖔᑦ ᑐᙵᕕᒃᑯᓐᓂ, ᑎᑎᕋᖅᓯᒪᔭᖏᑦ ᖃᐅᔨᒋᐊᕈᓐᓇᖅᐸᑎᑦ ᐅᕙᓂ: http://www.inuitfirm.com/public/index.html
ᐊᑎᓕᐅᖅᑕᐅᓯᒪᓕᖁᒍᕕᐅᒃ ᓇᖕᒥᓂᕆᔭᐃᑦ ᓄᓇᕗᒻᒥ ᓇᖕᒥᓂᖃᖅᑐᓄᑦ ᐃᑲᔫᑎ ᑎᑎᕋᕐᕕᖓᓂ ᐊᒻᒪᓗ ᓄᓇᕗᑦ ᑐᙵᕕᒃᑯᓐᓂ, ᐊᑭᑦᑐᕋᐅᑎᓂᕐᒧᑦ ᐋᖅᑭᒋᐊᕈᑎᓂᒃ ᑎᑭᓪᓗᒍ 21%ᒧᑦ ᐱᔪᓐᓇᓕᕈᓐᓇᖅᐳᑎᑦ ᓄᓇᕗᑦ ᒐᕙᒪᒃᑯᖏᓐᓂᑦ ᑳᓐᑐᕌᓄᑦ. ᑎᑎᕋᖅᑕᐅᑎᒃᑯᕕᐅᒃ ᓇᖕᒥᓂᕆᔭᐃᑦ ᓄᓇᕗᒻᒥ ᓇᖕᒥᓂᖃᖅᑐᓂᒃ ᐃᑲᔫᑎ ᑎᑎᕋᕐᕕᖓᓄᑦ, ᓇᓗᓇᕆᑦᑎᐊᕆᐊᖃᖅᐳᑎᑦ ᖃᓄᐃᑦᑐᓂᒃ ᓂᐅᕕᐊᒃᓴᓂᒃ ᐱᔨᑦᑎᕋᐅᑎᓂᒡᓘᓐᓃᑦ ᓇᖕᒥᓂᖃᕐᒪᖔᖅᐱᑦ, ᓲᖃᐃᒻᒪ ᐱᔪᓐᓇᖅᑎᑕᐅᓂᐊᕋᕕᑦ ᑭᓯᐊᓂ ᑎᑎᕋᖅᑕᐅᓯᒪᑎᑕᕐᓂᒃ ᓇᓕᐊᓐᓂᒃ ᐱᑎᑦᑎᑦᔨᐅᖕᒪᖔᖅᐱᑦ.
ᐊᑎᓕᐅᖅᑕᐅᓯᒪᖁᒍᕕᐅᒃ ᓇᖕᒥᓂᕆᔭᐃᑦ ᓄᓇᕗᒻᒥ ᓇᖕᒥᓂᖃᖅᑐᓂᒃ ᐃᑲᔫᑎ ᑎᑎᕋᕐᕕᖓᓄᑦ ᓄᓇᕗᑦ ᑐᙵᕕᒃᑯᓐᓄᓪᓗ, ᓇᖕᒥᓂᕆᔭᐃᑦ ᑎᑎᕋᖃᑕᐅᓯᒪᓂᐊᖅᑐᖅ ᐃᑭᐊᖅᑭᕕᒃᑯᖅ ᑐᑭᓯᒋᐊᕐᕕᖏᓐᓂ. ᑖᒃᑯᐊ ᑎᑎᕋᖅᓯᒪᔪᑦ ᓄᓇᕗᑦ ᒐᕙᒪᒃᑯᖏᑕ ᑳᓐᑐᕋᒃᓄᑦ ᐊᐅᓚᑦᑎᔨᖏᓐᓂᑦ ᑐᕚᕆᔭᐅᔪᑦ ᖃᐅᔨᓇᓱᒃᖢᑎᒃ ᓇᖕᒥᓂᕆᔭᐃᑦ ᐊᑭᑦᑐᕋᐅᑎᓂᕐᒧᑦ ᐋᖅᑭᒋᐊᕈᑎᓄᑦ ᐃᓚᐅᔪᓐᓇᕋᓗᐊᕐᒪᖔᑦ.
ᑳᓐᑐᕋᑎᑦ ᐱᓇᓱᐊᖃᑕᐅᔪᑦ ᓄᓇᕗᑦ ᒐᕙᒪᒃᑯᖏᑕ ᐊᑭᑦᑐᕋᐅᑎᔾᔪᑎᒋᔭᖏᓐᓂᒃ ᐊᒻᒪᓗ ᑐᒃᓯᕋᕐᓂᖅ ᑐᒃᓯᕋᐅᑎᓕᐅᖁᔨᓂᕐᒧᑦ ᐱᔭᕆᐊᖃᒐᔪᖕᒪᑕ ᑳᓐᑐᕌᒃᑕᐅᒃᑲᓐᓂᖅᐸᒃᑐᓂᒃ. ᑖᒃᑯᐊ ᑳᓐᑐᕌᒃᑏᑦ ᑎᑭᑦᑎᔭᕆᐊᓖᑦ ᐱᔭᐅᔭᕆᐊᓕᖕᓂᒃ ᐊᑐᕐᓗᒋᑦ ᓄᓇᕗᒻᒥᐅᑦ, ᐃᓄᖕᓂᒃ ᓄᓇᓕᖕᒥᐅᓪᓗ ᓂᐅᕕᑉᕕᐅᔪᓂᒃ. ᓇᖕᒥᓂᕆᔭᐃᑦ ᐊᑎᓕᐅᖅᑕᐅᓯᒪᒃᐸᑦ ᓄᓇᕗᒻᒥ ᓇᖕᒥᓂᖃᖅᑐᓄᑦ ᐃᑲᔪᖅᑎᒃᑯᓐᓄᑦ, ᖃᐅᔨᒪᔭᐅᓕᕋᔭᕆᕗᖅ ᓇᖕᒥᓂᕆᔭᐃᑦ ᖃᓄᐃᓕᐅᖅᑎᐅᖕᒪᖔᖅᐱᓪᓘᓐᓃᑦ ᐊᓯᖏᓐᓄᑦ ᑳᓐᑐᕌᒃᑎᓄᑦ.
ᖃᐅᔨᒪᓂᐊᖅᐳᑎᑦ: ᑭᓯᐊᓂ ᐊᑭᑦᑐᕋᐅᑎᓂᕐᒧᑦ ᐋᖅᑭᒋᖕᐊᕈᑎᒥᒃ ᐱᔪᓐᓇᕋᔭᖅᑐᑎᑦ, ᓇᓗᓇᐃᖅᑕᐅᓯᒪᓕᖅᑎᓪᓗᑎᑦ ᓄᓇᕗᒻᒥ ᓇᖕᒥᓂᖃᖅᑎᐅᓂᕐᓄᑦ ᐱᓇᓱᐊᕈᓰᒃ ᒪᕐᕉᒃ ᐊᓂᒍᖅᓯᒪᓕᖅᑎᓪᓗᒋᒃ ᒪᑐᓚᐅᖏᓐᓂᖏᖕᓂ ᒐᕙᒪᒃᑯᑦ ᐊᑭᑦᑐᕋᐅᑎᖏᑦ ᐅᕝᕙᓘᓐᓃᑦ ᐱᔪᒪᔾᔪᑦ ᑐᒃᓯᕋᐅᑎᓂᒃ.
- ᑲᓱᖅᓯᒪᔪᒃᑯᑦ ᓄᓇᕗᒻᒥ ᓇᖕᒥᓂᖃᖅᑐᓄᑦ ᐃᑲᔫᑎᒧᑦ ᐊᑎᓕᐅᖅᑕᐅᓯᒪᓕᕈᑦ
- ᐸᐃᑉᐹᒧᐊᕈᓐᓇᖅᑐᖅ ᑎᑎᕋᕐᕕᒃᓴᖅ ᓄᓇᕗᒻᒥ ᓇᖕᒥᓂᖃᖅᑐᓄᑦ ᐃᑲᔫᑎᒧᑦ ᐊᑎᓕᐅᖅᑕᐅᓯᒪᓕᕈᑦ
| ᐃᓚᖏᓕᐅᑎᓯᒪᔪᑦ | ᐊᖏᓂᖓ |
|---|---|
| May 2006 NNI Application _December 4_ - Inuktitut.pdf | 158.18 KB |
