Titiraqtaupkaklugu Nunavumi maniliurutigiyan NNI-kuni Titiraqviani, Ikayuqtauniaravin Kavaman Nunavumi katraqaqtitaulutin havaami.
Titiraqtitkupkin maniliurutigiyan NNI-kun Titiraqviani NTI-kunilu, pilaaqtutin uktutinun ihuaqhiyutikhanik 21%-mun Kavaman Nunavumi katragiyaini. Titiraqtitkukni maniliurutigiyan NNI-kun Titiraqviani, uqatiayavatin Piqutin Ikayutigiyatilu kivgaqtutikhatin, atulaaqlutin Pikutinun pivaalirutikhamik talvatuaq ukua Pikutin pihimayaatin titiraqhimaniqata kivgaqtutikhatin.
Titiraqtitkupkin maniliurutigiyan tamaini NNI-kun Titiraqviani NTI-kunilo, maniliurutigiyan titiraqhimaniaquq qaritauyani qungialiuqtaini. Ukua titiraqhimayun atuqtauginaqmata Kavamanin Nunavumi Katraguyunik Ataniquituiyinin ilaulaaqmagaa uktutini ihuaqhiyutikhani naunaerutaukman.
Katraqaqtun uktuqtun Kavaman Nunavumi Havaktikhaqhiurutaini RFP-nilo ihariahuqataqmata ilaganik katraqaqtukhanik. Ukua katraqaqtun aturiaqaqmata turaaqvikhanik atuqniaqnikata Nunavumi, Inuinaqniklo Nunalikniklo kivgaqtuqtiuyunik. Titiraqtitkukni Nunavumi Maniliurutigiyan NNI-kun Titiraqviani, maniliurutigiyan ayuiniriyatilu qauyipkakniarapkin katraktiuyunun.
Kauyimayakhaq: Atulaaliriagani Nunavumi Maniliurutikaktunun uktutini ihuaqhiyutikhanik, maniliurutauyok ilitariyauyutimik piyariaqaqtok Nunavumi Maniliurutini malrukni satiunikni hivuani Havaktikhaqhiurutain RFP-luniin umiktinagin.