Nunavummi Nangminiqaqtunik Ikajuuti

NNI-mi Titiraqaqvik amigaivyaktunik ihuaqutiqaqtok ikayutauyukhanik katraqaqtunik katraguyuniklu ataniqtuiyunik tunihiyaagani ilituqhariaganilu Havaktikhaqhiugutin RFP-guyniklu. Ukua ilaqaqtun Havaktikhaqhiugutinik titiraakhanik Katraniklu Ilituqhariagani titiraakhanik. Havaktikhaqhiututinun titiraakhan ayikutiriyakharaluagin titiraaqhan katragiyaqni makpiraan. Ilituqhainikun titiraakhan ihuaqutigiluaqtain katraliqinikun ataniqtuiyin kihiani ikayutauniarunaqhivun iliknun qauyimayaaqni qanuriliuruhiinik Katraliqinikun Ataniqtuiyin havaaginik hivuniqhiyutinik tunihimayaqnik uukturiaravin. Tamaini ukua titiraaqhan qilaminuaq initaaqtun tunihiyaaqni naunaitunik qaritauyakun makpiraanik kititiaqhimayuniklu akituniginik, piyariaqaqniqan, atuqata hivuniqhiyutin tunihimayatin. Kititiyaagani akitunigin qauyivaalurutiginearaqni aktuqniganik atuqniqata Nunavumi Maniurutiqaqtun Inuilu Havakviin havaktikhaqhiurutikni. Atuqnahuaqlugin uktuyavatin titiraaqhan aalaguriaqlugin ilaganik katraqaqtukhan piqutinikluniin niuvaayunin hivuniqhiyutikhani atuqlugin maniliurutin ukunani NNI-ni Naunaipkutini unalu Inuit Havakviinik Naunaipkutini Aqliguhukniaqtutin takhiyutaulaaqtunik atuqata maniliurutin ukunanga Naunaipkutinin atulaaqtaqnik.

Atuni Havaktukhaqhiurutinun Ilituqhaiyutinulu titiraaqhan uqatiaqhimayunik makpiraaqaqtun qanuq titirariagani ukua atuqtatin titiraaqhan. Titiraaqhan ilikuuqtunik titiraqvikhaqaqtun takukhautiaqhutik uniugitaagani. Iniqtitiayavatin titiraaqhan piyaaqni ikayutauyunik atulaaqtaqnk ilagagun NNI-mi Maliguagakham. Titiraaqhan ilagiyailu uqatiarutin makpiraan iliuraaqtauyaagani qaritauyaqmun ayukuhiuriagani ilipqamayakhatilu qagugu aturiagani.

Ihumakun ukua titiraaqhan nakurutautqunaugaluaq iliknun nahuriyugulu ilauriagani ihuaqutin qagugunuaq hivunikhaptikni.