Administration
ᓄᓇᕗᒻᒥ ᓇᖕᒥᓂᖃᖅᑐᓂᒃ ᐃᑲᔫᑎ ᕿᓂᕈᑦ
ᓄᓇᕗᒻᒥ ᓇᖕᒥᓂᖃᖅᑐᓂᒃ ᐃᑲᔫᑎᐅᑉ ᐃᑭᐊᖅᑭᕕᒃᑯᑦ ᑐᑭᓯᒋᐊᕐᕕᖓ ᐱᖓᓲᓕᖓᔪᓂᒃ ᐊᔾᔨᒌᖏᑦᑐᓂᒃ ᕿᓂᕈᑎᖃᖅᐳᖅ ᑎᑎᕋᖅᓯᒪᔪᓂᒃ ᓱᓇᒨᖓᔪᓂᒃ ᓄᓇᕗᒻᒥ ᐊᑎᓕᐅᖅᑕᐅᓯᒪᔪᑦ ᓇᖕᒥᓂᖃᖅᑐᓂᒃ.
ᓯᕗᓪᓕᖅᐹᖅ ᕿᓂᕐᓂᖅ ᓄᓇᓕᒃᑎᒍᑦ. ᕿᓂᕈᓐᓇᖅᐳᑎᑦ ᑎᑎᕋᖅᑕᐅᓯᒪᔪᓂᒃ ᓱᓇᒨᖓᔪᓂᒃ ᓄᓇᕗᒻᒥ ᓇᖕᒥᓂᖃᖅᑐᓂᒃ ᓇᓕᐊᓐᓂᑐᐃᓐᓇᖅ ᓄᓇᓕᖕᓂ, ᕿᓂᕈᓐᓇᖅᐳᑎᑦ ᑎᑎᕋᖅᑕᐅᓯᒪᔪᓂᒃ ᓱᓇᒨᖓᔪᓂᒃ ᓇᖕᒥᓂᖃᖅᑐᓂᒃ ᓄᓇᕗᑦ ᐊᕕᒃᑐᑦᓯᒪᓂᖏᓐᓂ ᐱᖓᓲᓕᖓᔪᓂ ᐅᕝᕙᓘᓐᓃᑦ ᑕᒪᕐᒥᒃ ᓇᒥᑐᐃᓐᓇᖅ ᓄᓇᕗᒻᒥ. ᓱᓕᒃᑲᓐᓂᐅᔪᓐᓇᕆᕗᖅ. ᕿᓂᕈᓐᓇᕆᕗᑎᑦ ᐅᑯᓂᖓᑐᐊᖅ ᑎᑎᕋᖅᑕᐅᓯᒪᔪᑦ ᓄᓇᕗᒻᒥ ᓇᖕᒥᓂᕆᔭᐅᔪᑦ ᖃᓄᐃᑦᑐᒥᒃ ᐱᔨᑦᑎᕋᐅᑎᑦ ᒪᓕᒡᓗᒋᑦ −ᐅᕝᕙᓘᓐᓃᑦ ᑎᑎᕋᖅᓯᒪᔪᑦ ᓄᓇᕗᒻᒥ ᓇᖕᒥᓂᖃᖅᑐᓂᒃ ᐃᑲᔫᑎᒃᑯᑦ ᐊᑕᐅᓯᐅᖏᑦᑐᒥᒃ ᐱᓕᕆᔨᐅᔪᑦ − ᓂᐅᕕᐊᒃᓴᐅᔪᓐᓇᖅᑐᑦ. ᐅᕝᕙᓘᓐᓃᑦ ᕿᓂᖅᑕᐃᑦ ᐱᔭᕆᐊᑭᒡᓕᑎᕈᓐᓇᖅᐸᑦ ᓄᓇᕗᒻᒥ ᓇᖕᒥᓂᖃᖅᑐᑦ ᐱᓕᕆᔪᑦ ᐱᓕᕆᕕᐅᓂᖓ ᒪᓕᒡᓗᒍ ᐱᓕᕆᕝᕖᑦ.
ᑭᖑᓪᓕᖅ ᕿᓂᕐᓂᖅ ᓇᖕᒥᓂᕆᔭᐅᔫᑉ ᐊᑎᖓ ᒪᓕᒡᓗᒍ.. ᖃᐅᔨᔪᓐᓇᖅᐳᑎᑦ ᑎᑎᕋᖅᑕᐅᓯᒪᔪᖅ ᓄᓇᕗᒻᒥ ᓇᖕᒥᓂᕆᔭᐅᔫᑉ ᒥᒃᓵᓄᑦ ᓇᕿᑦᑕᑐᐃᓐᓇᕐᓗᒍ ᓇᖕᒥᓂᕆᔭᐅᔫᑉ ᐊᑎᖓ. ᖃᐃᔨᒪᓪᓚᕆᖏᒃᑯᕕᐅᒃ ᓇᖕᒥᓂᕆᔭᐅᔫᑉ ᐊᑎᖓ, ᓇᕿᑦᑕᕐᓗᒍ ᖃᐅᔨᒪᓪᓚᕆᒃᑕᐃᑦ ᐊᑎᖓᑕ ᐃᓚᖓ. ᖃᕋᓴᐅᔭᐅᓪᓕ ᕿᓂᕐᓂᐊᖅᑕᖓ ᓱᓇᒨᖓᔪᑦ ᑎᑎᕋᖅᑕᐅᓯᒪᔪᑦ ᓄᓇᕗᒻᒥ ᓇᖕᒥᓂᕆᔭᐅᔪᑦ ᑕᑯᒃᓴᕈᖅᑎᓪᓗᒋᓪᓗ ᑕᒪᕐᒥᒃ ᑎᑎᕋᖅᓯᒪᔪᑦ ᓇᕿᑦᑕᖅᑕᕕᑦ ᐊᔾᔨᖏᑦ. ᖃᓄᐃᑦᑐᑐᓐᓇᑦ ᑎᑎᕋᖅᑕᑎᑦ ᕿᓂᖅᑕᐅᔪᓐᓇᖅᑐᑦ ᖃᕋᔭᐅᔭᒃᑯᑦ. ᑕᑯᒍᕕᒋᑦ ᑎᑎᕋᖅᓯᒪᔪᑦ ᓇᖕᒥᓂᕆᔭᐅᔪᑦ ᐊᑎᖏᑦ ᓇᑭᑲᓪᓚᒃᑯᕕᐅᒃ ᑖᓐᓇ ᐊᑎᖅ ᑭᓂᖅᑕᐃ ᑕᑯᒃᓴᕈᕐᓂᐊᖅᑐᑦ ᖃᓄᐃᑦᑑᓂᖓᓂᒃ ᐅᓂᒃᑳᖅᓯᒪᔪᑦ.
ᐱᖓᔪᐊ ᕿᓂᕆᑦ ᐃᓚᒃᓴᓄᑦ ᓂᐅᕕᕐᕕᖕᓂᒃ. ᑖᓐᓇ ᐱᑐᐃᓐᓇᐅᖏᓐᓂᖅᓴᖅ. ᓯᕗᓪᓕᖅᐹᒥᒃ ᓇᓗᓇᐃᑦᑎᐊᕐᓗᒍ ᑳᓐᑐᕌᒃ ᓇᒦᒻᒪᖔ ᐊᒻᒪᓗ ᓇᓕᐊᖕᓂᒃ ᕿᓂᕐᒪᖔᖅᐱᑦ ᓂᐅᕕᐊᒃᓴᖃᖅᑐᓂᒃ ᐅᕝᕙᓘᓐᓃᑦ ᐱᔨᑦᑎᕋᖅᑎᓂᒃ. ᓇᓕᐊᑐᐃᓐᓇᖅ ᓂᕈᐊᕐᓗᒍ. ᑖᓐᓇ ᕿᓂᕐᓂᐊᖅᐳᖅ (ᑎᑎᕋᖅᓯᒪᔪᓂᒡᓗ ᓴᖅᑭᑦᑎᓗᓂ) ᐊᑕᖏᕐᓗᒋᑦ ᑎᑎᕋᖅᑕᐅᓯᒪᔪᓂᒃ ᓄᓇᕗᒻᒥ ᓇᖕᒥᓂᕆᔭᐅᔪᓂᒃ ᓂᐅᕕᕐᕕᖕᓂᒃ ᐱᔨᑦᑎᕋᖅᑎᓂᒡᓘᓐᓃᑦ, ᓇᒥᑐᐃᓐᓈᕋᓗᐊᖅᐸᑦ ᓄᓇᕗᒻᒥ. ᐊᒻᒪᓗ ᖃᐅᔨᓴᖅᑕᐅᓂᐊᖅᑐᖅ ᐱᔪᒥᓵᕈᑎᐅᓯᒪᔪᖅ ᓄᓇᕗᑦ ᑳᓐᑐᕌᒃᒧᑦ ᐊᐅᓚᑦᑎᔨᐅᔪᒥᑦ ᓂᐅᕕᕈᕕᑦ ᐱᔨᑦᑎᕋᐅᑎᖏᓐᓂᒡᓘᓐᓃᑦ ᐊᑐᕈᕕᑦ ᑎᑎᕋᖅᑕᐅᓯᒪᔪᓂᑦ ᓄᓇᕗᒻᒥ ᓇᖕᒥᓂᕆᔭᐅᔪᓂᑦ. ᑖᒃᑯᐊ ᐱᔪᒥᓵᕈᑎᐅᔪᑦ ᐱᓯᒪᔪᑦ ᒪᓕᒃᖢᒍ, ᐃᓚᖓᒍᑦ, ᓇᒦᓐᓂᖓ ᑳᓐᑐᕌᑉ ᐊᒻᒪᓗ ᓇᓕᐊᑦ ᐃᓚᒃᓴᓄᒃ ᓂᐅᕕᕐᕕᐅᔪᓐᓇᖅᑐᖅ. ᑖᓐᓇ ᑭᓂᕈᑦ ᐊᑐᓃᓕᖅᑎᖅᑎᓂᐊᖅᑐᖅ ᓇᓗᓇᐃᔭᐅᑎᓂᒃ ᑎᑎᕋᖅᑕᐅᓯᒪᔪᑦ ᓄᓇᕗᒻᒥ ᓇᖕᒥᓂᕆᔭᐅᔪᓂᒃ (ᓂᐅᕕᕐᕕᒃ ᐅᕝᕙᓘᓐᓃᑦ ᐱᔨᑦᑎᕋᕐᕕᒃ) ᒪᓕᒡᓗᒍ ᐱᔪᒥᓴᐅᑎ ᐊᕙᒋᔭᐅᔪᖅ ᐊᖏᓂᖓ. ᐊᑐᓃᓕᖅᑭᒃᑎᑦᑐᓐᓇᕐᒥᔭᐃᑦ ᑎᑎᕋᖅᓯᒪᔪᓂᒃ ᑕᑯᒃᓴᕈᖁᓪᓗᒋᑦ ᖃᓄᑐᐃᓐᓇᖅ ᐊᔾᔨᒌᖏᑦᑐᑎᒍᑦ. ᑕᐃᒪᓕ, ᓇᕿᑲᓪᓚᒍᓐᓇᓕᕆᕙᑦ ᓇᓕᐊᑐᐃᓐᓇᖅ ᑎᑎᕋᖅᑕᐅᓯᒪᔪᖅ ᓄᓇᕗᒻᒥ ᓇᖕᒥᓂᕆᔭᐅᔪᑦ ᑕᑯᒃᓴᕈᕐᓂᐊᕐᒪᑕ ᑕᒪᕐᒥᒃ ᓇᓗᓇᐃᔭᐅᑎᖏᑦ ᑎᑎᕋᖅᑕᐅᓯᒪᔪᑦ ᓄᓇᕗᒻᒥ ᓇᖕᒥᓂᕆᔭᐅᔪᑦ ᒥᒃᓵᓄᑦ.
ᖃᐅᔨᔪᓐᓇᖅᐳᑎᑦ ᓇᖕᒥᓂᕆᔭᐅᔪᖅ ᑎᑎᕋᖅᑕᐅᓯᒪᖕᒪᒪᖔᑦ ᓄᓇᕗᑦ ᑐᙶᕕᒃᑯᑦ ᑎᒥᖁᑎᖓᓐᓂ ᐅᕘᓇ ᕿᓂᕐᓗᒍ ᐃᓄᖕᓂᑦ ᓇᖕᒥᓂᕆᔭᐅᔪᓄᑦ ᐊᑎᓕᐅᖅᑕᐅᕕᒃ ᓱᓇᒨᖓᔪᓄᑦ ᑎᑎᕋᖅᑕᐅᕕᒃ (IFRD)
Government ofNunavut