ᓄᓇᕗᒻᒥ ᓇᖕᒥᓂᖃᖅᑐᓄᑦ ᐃᑲᔫᑎ ᑎᑎᕋᕐᕕᖓ ᐊᔾᔨᒋᖏᑦᑐᓂᒃ ᓴᓇᕐᕈᑎᖃᖅᐳᖅ ᐃᑲᔫᑎᓂᒃ ᑳᓐᑐᕌᒃᑎᓄᑦ ᐊᒻᒪᓗ ᑳᓐᑐᕌᖕᒧᑦ ᐊᖓᔪᖅᑳᖑᔪᒧ ᑐᓂᓯᓂᖏᓐᓄᑦ ᖃᐅᔨᓴᕐᓂᖏᓐᓄᓪᓗ ᐊᑭᑦᑐᕋᐅᑎᑦ ᐱᔪᒪᔾᔪᑎᓄᓪᓗ ᑐᒃᓯᕋᐅᑎᒃ. ᐅᑯᓂᖓ ᐃᓗᓕᖃᖅᐳᖅ ᐊᑭᑦᑐᕋᐅᑎᓂᕐᒧᑦ ᑎᑎᕋᕆᐊᓖᑦ ᐊᒻᒪᓗ ᑳᓐᑐᕌᖕᒧᑦ ᖃᐅᔨᓴᐃᓂᕐᒧᑦ ᑎᑎᕋᕆᐊᓖᑦ. ᐊᑭᑦᑐᕋᐅᑎᓂᕐᒧᑦ ᑎᑎᕋᕆᐊᓖᑦ ᐊᔾᔨᒋᔭᕆᐊᖃᖅᑕᖏᑦ ᑳᓐᑐᕌᕕᑦ ᑎᑎᖃᖏᑕ. ᑳᓐᑐᕌᖕᒧᑦ ᖃᐅᔨᓴᐃᓂᕐᒧᑦ ᑎᑎᕋᕆᐊᓖᑦ ᐃᑲᔫᑎᐅᓇᓱᓗᐊᖅᑐᑦ ᑳᓐᑐᕌᖕᒧᑦ ᐊᖓᔪᖅᑳᖑᔪᒧᑦ ᑭᓯᐊᓂ ᐃᓕᖕᓄᑦ ᐃᑲᔫᑎᖃᑐᐃᓐᓇᕆᐊᖃᕐᒥᔪᑦ ᑐᑭᓯᐅᒪᖁᓪᓗᑎᑦ ᖃᓄᐃᓕᐅᓲᖑᖕᒪᖔᑦ ᑳᓐᑐᕌᖕᒧᑦ ᐊᖓᔪᖅᑳᖅ ᑐᓂᓯᔭᕌᖓᕕᑦ ᐱᔪᒪᔾᔪᑎᓂᒃ. ᑕᒪᕐᒥᒃ ᑎᑎᕋᕆᐊᓖᑦ ᖃᕋᓴᐅᔭᒃᑰᕈᓐᓇᖅᑐᐃᓐᓇᐃᑦ ᑐᓂᓯᔪᓐᓇᖁᓪᓗᑎᑦ ᓴᓗᒪᑦᑎᐊᖅᑐᓂᒃ ᖃᕋᓴᐅᔭᒃᑰᖅᑐᒃᓴᓂᒃ ᑎᑎᖅᑲᓂ ᐊᒻᒪᓗ ᓈᓴᐅᑎᓄᑦ ᑲᑎᑎᕈᑎᑦ, ᐱᔭᕆᐊᖃᕌᖓᑕ ᒪᓕᒡᓗᒍ ᖃᓄᐃᑦᑐᓂᒃ ᖃᐅᔨᔭᕆᐊᓕᖕᓂᒃ ᑐᓂᓯᓯᒪᓃᑦ. ᑲᑎᑎᕈᑎᑎᒍᑦ ᖃᐅᔨᓴᕈᓐᓇᕐᓂᖅ ᑕᑯᑎᑦᑎᑲᐅᑎᒋᔪᓐᓇᖅᐳᖅ ᖃᓄᖅ ᐊᒃᑐᐃᓂᖓ ᐊᑐᕐᓂᕐᒧᑦ ᓄᓇᕗᑦ ᓇᖕᒥᓂᖃᖅᑐᒥᒃ ᐊᒻᒪᓗ ᐃᓄᖕᓂᑦ ᐱᒋᔭᐅᔪᓂᒃ ᐊᑭᑦᑐᕋᐅᑎᖕᓂ. ᑲᐅᔨᓴᖁᒐᓗᐊᖅᐸᒋᑦ ᐆᒃᑑᒪᔭᒡᓗᒋᑦ ᑖᒃᑯᐊ ᑎᑎᕋᕆᐊᓖᑦ ᐊᓯᔾᔨᕐᓗᒍ ᑳᓐᑐᕌᒃᑕᐅᒃᑲᓐᓂᖅᑐᖅ ᐅᕝᕙᓘᓐᓃᑦ ᓴᓇᔭᒃᓴᓄᑦ ᓂᐅᕕᕐᕕᐅᒐᔭᖅᑐᑦ ᒪᓕᒡᓗᒍ ᓇᖕᒥᓂᕆᔭᐅᔪᖅ ᐅᕙᓂ ᓄᓇᕗᒻᒥ ᓇᖕᒥᓂᖃᖅᑐᓄᑦ ᐃᑲᔫᑎ ᐊᑎᓕᐅᖅᑕᐅᕕᒃ ᐊᒻᒪᓗ ᐃᓄᖕᓄᑦ ᐱᒋᔭᐅᓂᕐᒧᑦ ᐊᑎᓕᐅᖅᑕᐅᕕᒃ. ᑲᒪᒐᔭᖅᐳᑎᑦ ᐊᑑᑎᖃᕈᓐᓇᕐᓂᖓᓂᒃ ᐃᓕᖕᓄᑦ ᐊᑐᕈᕕᑦ ᓇᖕᒥᓂᕆᔭᐅᔪᓂᒃ ᑖᒃᑯᓂᖓ ᐊᑎᓕᐅᖅᑕᐅᕕᖕᓂ.
ᑕᒪᕐᒥ ᐊᑭᑦᑐᕋᐅᒻᒧᑦ ᖃᐅᔨᓴᐃᓂᕐᒧᓪᓗ ᑎᑎᕋᕆᐊᓖᑦ ᐊᔪᕆᖅᓱᐃᔾᔪᑎᖃᖅᐳᑦ ᖃᓄᖅ ᑎᑎᕋᕆᐊᖃᕐᒪᖔᑦ ᑖᓐᓇ ᐊᑐᖅᑕᐃᑦ. ᑎᑎᕋᕆᐊᓖᑦ ᐱᑕᖃᖅᐳᑦ ᐊᑐᓃᖅᑐᓂᒃ ᑎᑎᕋᕆᐊᓕᖕᓂᒃ ᑕᑯᒃᓴᕈᖅᑎᓯᒪᔪᑦ ᐅᔾᔨᕆᑦᑎᐊᖁᓪᓗᒋᑦ. ᖃᐅᔨᓴᑦᑎᐊᕆᑦ ᑎᑎᕋᑦᑎᐊᖅᓯᒪᒐᓗᐊᕐᒪᖔᑕ ᑎᑎᕋᕆᐊᓖᑦ ᐱᔪᓐᓇᑦᑎᐊᖁᓪᓗᑎᑦ ᐱᔭᕆᐊᖃᖅᑕᕐᓂᒃ ᓄᓇᕗᒻᒥ ᓇᖕᒥᓂᖃᖅᓄᑦ ᐃᑲᔫᑎ ᐊᑐᐊᒐᕐᒥ. ᑎᑎᕋᕆᐊᓖᑦ ᐊᒻᒪᓗ ᐊᔪᕆᖅᓱᐃᔾᔪᑎᖏᑦ ᑎᑎᕋᖅᓯᒪᔪᑦ ᒥᓇᕈᓐᓇᖅᑕᑎᑦ ᖃᕋᓴᐅᔭᒥᑦ ᓇᖕᒥᓂᖅ ᖃᕋᓴᐅᔭᕐᓄᐊᕐᓗᒋᑦ ᐸᐃᐹᒧᕈᒪᒍᕕᒋᑦ ᐅᕝᕙᓘᓐᓃᑦ ᔭᒐᔾᔭᐃᕐᓗᒋᑦ ᐊᑐᓛᕋᕕᑦ ᓯᕗᓂᒃᓴᕐᓂ.
ᐃᑲᔫᑎᔪᒃᓴᐅᒐᓗᐊᖅᐳᑦ ᑎᑎᕋᕆᐊᓖᑦ ᐊᒻᒪᓗ ᓂᕆᐅᑦᑎᐊᖅᐳᒍᑦ ᐃᓚᒋᐊᕐᕕᒃᓴᖏᓐᓂᒃ ᑖᒃᑯᐊ ᓴᓇᕐᕈᑎᑦ ᐃᑲᔫᑎᑦ ᓯᕗᓂᒃᓴᑦᑎᓐᓂ.