Titiraqtauyaagani Nunavumi Maniliurutini – Maniliurutauyok maliguatiariaqaqtok maliganik aturiaqaqtunik maniliuritiqaqniaqan Nunavumi, piqaqlunilo ukuniga aturiaqaqtunik:
- ilauyukalimaginiqan inuknik ahiinik timiuyok 51%-gukpata vutilaaqtun ilauhimayun nunaqaqaaqtunin nanminiriyaukpan Nunavumi Nunaqaqtunin, uvaluniin
- kuapauniqata 51%-gukpata vutilaaqtun ilauhimayun nunaqaqaaqtunin nanminiriyaukpan Nunavumi Nunaqaqtunin, uvaluniin
- atautimin nanminiriyaukpan, nanminiqaqtok Nunavumi Nunaqaqniqan, uvaluniin
- ikayuqtigiikniqata, ilauyutiqaqluaqtun nanminiqaqtuni Nunavumi Nunaqaqata amigainikhalu ikayutauyun, ikayuqtigiigutini agikatigiigunmi, tuniyauhimakpata Nunavumi Nunaqaqtunun, unalu
- ihumagigilugin nanminiriyauniga, maliguaqata tamainik ukuniga:
- pihimakpata ilitariyauhimayumik titiraqvikmik Nunavumi atukavukniqata nanminiqluniin titiraqvikmik, niuvaavikmik havakviuyumikluniin ikayuqtutiqaqniqataluniin maniliurutimikun, igluqaqniqata agilrariyamiknik, Nunavumi ukiutuaraagan aulapkariagani maniliuritigiyaqtik, unalu
- munaginiqata Agilraqaqtumik Attanguyamik Nunavumi, unalo
- havaarikpagin amigainiqhan munariyutin aulayutilo havaan Nunavumi aulanigani piyutauyun Nunavumiiniqata, unalo
Kauyimayakhaq: Atuinariagani Nunavumi Maniliurutauyunin uktutini ihuaqhiyutikhan, maniliurutauyok ilitariyauyutimik piyariaqaqtok Nunavumi Maniliurutini malrukni satiunikni hivuani Havaktikhaqhiurutain RFP-luniin umiktinagin.
maniliurutigiyan niuvrutiqaqniaqniqan hanahimayunik ilainik ikayuqtutivin, maniliurutigiyan titiraqhimayariaqaqtok Nunavumi Piqutinik Niuviqviuyunilo. Tukhiqtulaaqtutin Nunavumi Piqutinik Niuviqviuyuni atautikun titiraqtauniganik nanminiq Nunavumi Maniliurutigiyaqin uvaluniin kiguagun pihimaliqnigupkin ukoa aturiaqaqtun:
"Nunavumi Maniliurun niuvaaniqan piqutinik kituliqaa inuin atulaaqtainik niuviqviulaaqniqalo talvanga Ayikutariyainik Ilipqamayauyunin piqutinik niuvrutikhanin, ilitariyauhimaniqalo Nunavumi Maniliurutauniganik malrukni satiunikni hivuani Havaktikhaqhiurutain RFP-luniin umiktinagin. Timiuyok niuviqtitiniqan piqutinik, ilipqamayunik tutquumayauyunik nunalikni timiuyum inigiyaani, piqaqniqalo ayiqutainik piqutinik niuvrutiqaqtum. Ilipqamayauyun amigaitariaqaqtun ihariagiyain Nunalikni Nunavumilu Nunaqaqtun piyaagani niuviqtauyulu himauhiqhimariagani ukua piqutin niuviqtauginariagani qahakhimainaqlutiklo."